នាង Lindsay Lohan ត្រូវគេដោះលែងចេញពីមណ្ឌល Betty Ford សម្រាប់រយៈពេល ១៥ម៉ោងនៅក្នុងពិធី Thanksgiving ហើយនាងអាចចូលរួមអបអរសាទរពិធីបុណ្យ Thanksgiving ជាមួយឪពុករបស់នាងនៅថ្ងៃទី២៥ វិច្ឆិកា នេះ។
នាងនឹងត្រូវតែវិលត្រឡប់ទៅមណ្ឌល Betty Ford វិញនៅល្ងាចថ្ងៃដដែល។ ការញ៉ាំអាហារពេលល្ងាចជាមួយឪពុករបស់នាងក្នុងពិធី Thanksgiving គឺជាភស្តុតាងមួយបង្ហាញថា ឪពុកនិងកូនម្នាក់នេះកំពុងផ្សះផ្សាទំនាក់ទំនងគ្នាឡើងវិញ។
នាង Lindsay Lohan ត្រូវបានតុលាការ Los Angeles បញ្ជាឲ្យឃុំខ្លួននៅមណ្ឌលនីតិសម្បទារហូតដល់ថ្ងៃទី៣ មករា ២០១១ បន្ទាប់ពីនាងធ្វើតេស្តរកឃើញជាតិកូកាអ៊ីនកាលពីខែកញ្ញា៕
