ខ្សែភាពយន្តកូរ៉េពីររឿងកំពុងប្រជែងគ្នាយកលំដាប់លេខ១ សម្រាប់ TV Chart នៅសប្ដាហ៍នេះ ដែលកំពុងដាក់បញ្ចាំងនៅតាមស្ថានីយទូរទស្សន៍ក្នុងប្រទេសកូរ៉េខាងត្បូង គឺរឿង "Dong Yi” ដែលនិយាយពីប្រវត្តិសាស្ត្ររបស់ផលិតកម្ម MBC និងរឿង "Giant” របស់ផលិតកម្ម SBC។
យោងតាមតួលេខពី TNmS កាលពីថ្ងៃពុធ បង្ហាញថា រឿង "Dong Yi” សម្ដែងដោយ Han Hyo-joo និង Ji Jin-hee មានអ្នកទស្សនាតាមទូរទស្សន៍ច្រើនបំផុតក្នុងរយៈពេល ១៩សប្ដាហ៍បន្តបន្ទាប់ ស្ថិតនៅអត្រា ២៣,៣ ភាគរយគិតត្រឹមថ្ងៃទី១៦ សីហា និងកើនឡើងដល់ ២៤,៨ភាគរយនៅថ្ងៃបន្ទាប់។